Friday, September 4, 2015

අළුත් වැස්සක්

දශක හතරක් පුරාවට සිංහල ගීත සාහිත්‍ය පෝෂණයට ප්‍රශස්ථ දායකත්වයක් දැක් වූ ප්‍රවීණ ගේය කාව්‍ය රචක සුනිල් ආර්. ගමගේ මහතාගේ නිර්මාණ ඇතුලත් “අළුත් වැස්සක්“ සංගීත සංධ්වනිය මේ මස 06 වෙනිදා කොළඹ බණ්ඩාරණායක සම්මන්ත්‍රනශාලාවේ හවස 6 ට පැවැත්වේ.

මහ පිරිත (පණ්ඩිත් අමරදේව), ඔරුව මගේ (නන්දා මාලනී), ඔබ පෙම් කරනා (ගුණදාස කපුගේ), පුර පෝය හඳට (සුනිල් එදිරිසිංහ), කවිය ඔබ (දීපිකා ප්‍රියදර්ශනී), ඔබ මා හමුවුණු (කරුණාරත්න දිවුල්ගනේ), ඔබ සඳක්මැයි (නිරෝෂා විරාජිනී), සිරි සිරිලක (අමරසිරි පීරිස්), අපි කතා නොකර ඉමු (ජානක වික්‍රමසිංහ) ආදිය ඔහුගේ ජනප්‍රිය ගී රචනා අතරින් අතලොස්සකි. 

මෙහිදී සුනිල් එදිරිසිංහ, දීපිකා ප්‍රියදර්ශනී, කරුණාරත්න දිවුල්ගනේ, ජානක වික්‍රමසිංහ, නිරෝෂා විරාජිනී, ප්‍රදීපා ධර්මදාස මිත්‍ර කපුගේ වැනි ජනප්‍රිය ගායක ගායිකාවන් රැසක් ගීත ගායනා කරනු ලැබේ. සංගීතය මෙහෙයවන්නේ රෝහන වීරසිංහයන් විසිනි.

සංවිධාන ශක්තිය මනරම් මීඩියා සොලූෂන්ස් වෙතිනි

Tuesday, July 21, 2015

කිණිහිර


කිණිහිර වෙමි මම
රත්වුනු යකඩය
හිස මත තියාන
තැලෙන යකඩ
උඩ පැන පැන තලනා
නොතැලෙන ඇට්ටර
යකඩෙත් තලනා
කොච්චර තැළුනත්
ගානක් නැති මං
වෙහෙසක් නෑ මට
තවත් තැලෙන්නම්

ඡායාරූපය මෙතැනිනි

Wednesday, March 11, 2015

හත් පෙති මල


කෝ පුතේ “බව්වා“

බව්වා නෙමෙයි බල්ලා

කියල නංගිගෙ

අවුරුදු එකහමාරක

පොඩි එකා කියනකොට

තිස් ගනන් වෙච්චි මං තාමත්

හත් පෙති මල

ගැන හිතන හැටි

Tuesday, February 3, 2015

කලා පොල 2015

ජෝර්ජ් කීට් පදනම සහ ජෝන් කීල්ස් ආයතනයේ අනුග්‍රහයෙන් කළා පොල මෙවරත් 22වෙනි වතාවට පසුගිය 25 වෙනිදා නෙළුම් පොකුණ මාවතේ දී දවස පුරා පැවැත්වුනා.

විවිධ මට්ටමේ කලාකරුවන් 250කට අධික ප්‍රමාණයකගේ වෙළද කුටි මෙහිදී ප්‍රදර්ශනය වුනා.

මෙවරත් අධික ජන ගඟක් මෙම අවස්ථාව නැරඹීමට පැමිණ සිටියා.

මෙහිදි ලබාගත් ඡායාරූප පෙළක් පහත දැක්වේ.

ප්‍රදර්ශණ කුටිවල ආරම්භය


බ්‍රැඩ්ලි ජයතුංග මහතා ආලේඛ්‍ය චිත්‍රයක් අඳිමින්




නිසංසලා වික්‍රමරත්න ගේ “වලං ආර්ට්“




Friday, January 2, 2015

ඇතීනා - ඔබ මගේ දෙව්දුව


දිගැටි නාසයත්
දිගැසින් බලන බැල්මත්
මුදු මුවේ කැල්මත්
සුරතලෙන් තෙපලන වදනත්
සිහින් දිග ගවුමත්
විහිදලූ කෙස්සත්
නෙළුම වැනි මුහුනත්
හිමින් ලැසි ගමනත්
කරයි හදවත
පුරා මන්මත්
යුද්ධයට අධිපති
දැනුමට හිත ඇති
රූපයට හැඩ ඇති
ඔබයි මගෙ සඳවත
ඔබයි මගෙ සොයුරිය
ඔබයි මගෙ සොඳුරිය
ඔබයි මගෙ දෙව්දුව
ඇතීනා