Monday, June 1, 2009

දේශානුරාගය සහ සංගීතය

කවදාවත් එක මාර්ගයක ගමන් කරන්නෙ නැති මාතෘකා දෙකක් වුනත් මේ දෙක අතරේ තියන සම්බන්ධය පහුගිය කාලෙ පුරාවටම අපේ සිත් වලට හොදින් දැනුනා. ඒ නිතර දෙවේලෙ ඇහුණු රණ ගී, දේශානුරාගී ගී නිසා. මම කතා කරන්න යන්නෙ දේශානුරාගය, ජාත්‍යාලය කියන දේවල් අපේ ශ්‍රී ලාංකිකයන්ට විතරක් පොදු දේවල් නෙමෙයි කියන එක.

පහුගිය දවස් වල ම‍ට අහන්න හම්බවුනා ඉන්දියානු සංගිතඥ ඒ.ආර්. රහුමාන් ගේ 'වන්දේ මාතරම්' කියන ඇල්බම් එක. මම එදා ඉදන්ම රහුමාන්ගෙ සංගීතය ප්‍රිය කරන කෙනෙක්. ඉන්දියාව ඇතුලත මිලියන 5 කටත් වඩා අලෙවි වුන ඇල්බම් තියනවනම් ඒ බොහොම ටිකයි. ඒකෙනුත් ගොඩක් ඉදිරියෙන් තියන ඇල්බම් එකක් තමයි වන්දේ මාතරම්. ඒ ඇල්බම් එකේ මුලින්ම තියන සිංදු දෙක 'මා තුජේ සලාම්' සහ 'වන්දේ මාතරම්' කියන සින්දු දෙක පහත link එකෙන් download කරගන්න.

http://www.esnips.com/doc/71405216-5306-4236-8ee2-1a56d3fbc230/Vande-Matharam

අපි ඉන්නෙ ඉන්දියානු උප මහද්වීපයට අයත් කොටසක හන්දා අපිට ඉන්දියානු ආභාශය හොදට ලැබිල තියනවා. මේ සින්දු දෙකේ වචන තේරෙන්නෙ නැති වුනත් (100%) සංගීතය කියන්නෙ විශ්ව භාෂාවක් කියන එක තේරුම්ගන්න ඔය සින්දු දෙක හොදටම ඇති කියලයි මටනම් හිතෙන්නෙ.

සින්දු අහනකොට දේශානුරාගයේ කුළුගැන්වීම ඉන්දියානුවන්ට වගේම අපටත් හොදින් දැනෙන්නෙ දේශානුරාගය කොයි කාටත් පොදු දෙයක් හන්දා. ඒක අපිට වගේම ලෝකෙ කාටත් පොදුයි.

මා තුජේ සලාම් සින්දුව ආභාශයට අරගෙන (ගෙඩි පිටින්ම නැතිවුනත් සමාන කම් හොදට තේරෙනවා) හදපු සිංහල සින්දුවකුත් පහුගියකාලෙ හොදින් අපේ රටේ ජනප්‍රිය වුනා. ඒ.ආර්.රහුමාන් සංගීතවේදියා දේශානුරාගය සහ ජාත්‍යාලය කියන මාතෘකාවෙදි තමන්ගෙ හැකියාව උපරිමයෙන් පෙන්වපු අවස්ථාවක් හැටියට වන්දේ මාතරම් නම් කරන්න මම කැමතියි.

මේ සින්දු දෙක අහලා ඔයගොල්ලන්ට දැනෙන හැගීම පුංචි comment එකක් දාලා අපිට කියන්න. සංගීත රසකාමීන් හැටියට ඒ පුංචි comment එක අපිට ලොකු දෙයක්.