මම ඔබ දෙස ආදරයෙන් බැලුවෙමි
ඇත්තෙන්ම මම ඔබට ආදරය කළෙමි
ඔබට කරුණාව දැක්වූයෙමි
සතුටින් සිටීමට අවැසි සියල්ල ලබාදුනිමි
ඔබ සතුට වෙනුවෙන්ම දිවි කැප කලෙමි
මගේ රැකවරණය ඔබේ ආරක්ෂාව කලෙමි
ජීවිතය,
ඔබ මගේ ආදරය තේරුම් නොගත්තෙහිය
මගේ කරුණාව ඔබට වධ බන්ධනයක්ම විය
සතුටින් සිටීමට හැකිවුවත් ඔබ දුටුවේ දිවියේ වරද පමණකි
ඔබ වෙනුවෙන් කැපකළ දිවිය අපරාධයක සළකුණක් විය
ජීවිතය,
ඔබ මා පිළිකුල් කලෙහිය
ඔබ මට වෛර කලෙහිය
මා මිනීමරුවෙකු සේ සැලකුවේය
මාගෙන් මිදීමට අවැසි වූ තැන
මාගේ රැකවරනයෙන් ඔබ පලා ගියෙහිය
ජීවිතය,
අද ඔබ මා ළග නැත
මගේ ආත්මයද මා ලග නැත
ඒ මගේ ආත්මය ඔබ ලග තැබු නිසාය
දැන් මම ගන්ධබ්බ සෙයියාවෙන්
ඉබාගාතේ සැරිසරන්නෙමි
ඔබ ගැන මගේ වෛරයක් නැත
සැමදා තිබූ ආදරයේ වෙනසක්ද නැත
No comments:
Post a Comment