Colour සිංහල චිත්‍රපටය

ඉසුරු වීරසිංහ මුදලි නැමති තරුණ සිනමාවේදියාගේ කලර් නැමති සිනමා රූප කාව්‍යය නැරඹුවෙමි. මම මහා ලොකු විචාරකයෙක් නොවෙමි. නමුත් එහිදී දැනුනදේ ලියාතබමි.

ඒ ඉසුරුගේ පළමු සිනමා අත්දැකීමයි. මුළු චිත්‍රපටය පුරාම ගලාගෙන යන තිරපිටපතක් එහි අඩංගුය. තිර පිටපතේ මාකටින් පොයින්ට් එක හැටියට ඔවුන් ගන්නේ එහි නළු නිළියන්ගේ චරිත වලට නාමකරණයක් නොමැතිවීමයි. තරුණයා තරුණිය සිත්තරා ලෙස ඒවා ඇතිබව ඔවුන් නැවත නැවත විවිධ තැන්වල පැවසීම නිසා එය මාර්කටින් පොයින්ට් එකක් බව මම විස්වාස කරමි.

ඉසුරු කලින් වැඩ කරන්නේ වෙළද දැන්වීම් සමගය. (මම එසේ ඇසුවේ ඔවුන්ගේ වැඩසටහන් වලිනි) මට හැ‍ඟෙන දැනෙන එවැනි වෙළද දැන්වීම් ගති චිත්‍රපටියේ ද අඩංගු වෙයි. හොඳයයි සිතෙන තිර පිටපතක කාල වකවානු ගැලපීමේදි පිටපතේ ජීවගුණය නැතිවී ගිය අවස්ථා ඇතිවී තිබේ. උදාහරණයක් ලෙස කීවොත් චිත්‍රපටයේ අවසන් භාගයේ සිත්තරා නැවත තමන්ගේ කලාගාරයට යන අවස්ථාව සලකමු. ඔහු එයට යන්නේ කතාවේ හැටියට අඩුම තරමේ අවුරුදු 20-25 කට පමණ පසුවය. (චිත්‍රපටයේ තරුණයාගේ චරිතය රඟපාන ප්‍රියන්ත මංසිළු එහි රඟපාන්නේ අඩුම තරමින් වයස 25ක තරුණයකුගේ චරිතයකැයි මම සිතමි) ඉන්පෙර ඔහු අවසන් වරට එහි ගියේ සඳනි සුලක්ඛනාට දරුවෙකු ඉපදෙන්නට ඉන්නා කාලයේ යැයි ඉඟියක් ඒ තුලින් ජනිත වෙයි. වසර 25කට පසු යතුර සොයාගෙන ගොස් දොර අරින විට කලාගාරය පැරණි වී ඇතිබවට සාක්ෂි දෙකක් වේ. එනම් කලාගාරය තුල හුඹසක් වැඩී තිබීමත් බංකුව දිරා තිබීමත්ය.  දූවිලි ඇත්තේ අවසන් වරට ඇඳි චිත්‍රයේ පමණි. ඉන් පෙර ඇඳි කැන්වස්  චිත්‍ර ඒ ආකාරයෙන් පැවතීම පුදුම සහගතය. කලාගාරයේ වසර විසිපහක් තිස්සේ ඉතිරිවී ඇති අනිත් දෙය නම් සුලක්ඛනා ලියූ ලිපියයි. ලෑලි දිරා ගියද ලිපිය සමග එහි අත් අකුරු වසර 25කට පමන පසුව පැවතීම වෙළඳ දැන්වීමක ස්වරෑපය ගනියි.

කමල් අද්දරආරච්චි නම්  ජ්‍යෙෂ්ට නළුවා චිත්‍රපටය තුල තම අඥාදායකත්වය පතුරවයි. ඇතැම් විට තිර පිටපතේ අවස්ථා නිසා ඒ අවස්ථා මග හැරී යයි. සල්ලිවලට කලාකාමීත්වය විකුනන්නේ නැතැයි කියන ඔහු තම කාමය හමුවේ එය විකුණයි. (මං දන්නෙ නෑ මට හිතෙන හැටි). දර්ශන දෙක තුනක පමණක් පෙනී සිටින ජයනි සේනානායක තමන්ගේ චරිතය මැනවින් රඟපායි. ඒ සඳහා ඇය වේදිකාවෙන් ලබාගත් අත්දැකීම් මොනවට භාවිතා කරයි.

ඉසුරුවැනි තරුණ නිර්මාන කරුවන්ගේ පැමිණිම සිනමාට වැදගත්ය. සිනමාව තුල ඔවුන් තෙම්පරාදු වනවිට තවත් වසර කිහිපයකින් ඔවුන් ඉතාම හොඳ නිර්මාන කරනු ඇත.

මුළු චිත්‍රපටිය පුරාවටම මගේ මතකයේ රැ‍ඳෙන එක දෙබසක් තිබේ. ඒ ශ්‍රීමාල් වෙඩිසිංහ කමල් අද්දර ආරච්චිට කියන "කොල්ලටයි බල්ලටයි හැමෝටම 'ආර්ට්' තේරෙන්නේ නැහැ පුතා."

ඇත්තය. ඇතැම්විට මමද ඇත්තේ එතැන විය හැකිය. නමුත් මේ මගේ අදහසයි.

දුවේ

දුවේ
මම නුඹට පොරොන්දුවක් වීමී
ඒ නැවත නුඹ ගැන නොවිමසන බවය
නුඹ මා හැරදා
වසරක් ගෙවෙන්නේ අදය
සිටියානම්
මා තුරුල්ලේ සුරතල් වදන් පවසමින්
අම්මා සොයන්නී
ඔබයි

දුවේ
තිස් වසක ම දිවියේ
මා ලබාගත්
බොහෝ භෞතික දේ අතර
එකම මානුෂික  වස්තුව නුඹම විය
අනේක භෞතිය සම්පත්ද
මගෙන් ඈත්වන බව
මම දැන සිටියද
නුඹ වැනි මානුශිය සම්පත්
මගෙන් ඈත්වෙතැයි
මා සිහිනෙන් වත් නොසිතුවෙමි
අවසා‍නයේ ඉතිරිවූයේ
අප අතරේ බැදි
නොනිමෙන සෙනෙහස පමණි

දුවේ
තවත් අනන්ත කාලයක්
මේ සසරේ අප මුණ ගැසේවි
කිසිදු විටක
මෙවන් අකල් වියෝවක්
තවත් ඔබට සිදුවන්න එපා.

මැගී කුටියේ යුවතිය

මන්දාරම් අඳුරේ

පොත් ප්‍රදර්ශනයේ

සිහින් වරුසාවේ

දිවවුත් නැවතුනේ ඈ

මැගී කුටිය ලඟ

මද කුසගිනි 

නිවනු රිසියෙන්

අදිමින් මුදල් පසුම්බිය

ඉල්ලයි ඈ 

කෝප්පයක් පුරවා මැගී

රස නහර පිනායන

පිසලයි ඈ

සේද සාරි පොටින්

තෙමුනු ඇගේ වත

සිහින් වරුසාවට

මැගී කෝප්පය ගෙන

මද සිනා පා මට

දිවයයි ඈ සෙවනක් සොයා

අවසන් වූ පසු මැගී බඳුන

ඉසිලීය ඇගෙ පඬුවන් 

ජනශක්ති කුඩය

නැවතත් හරි හරියට

පිය නගන්නී ඈ

තවත් පොත් කුටියක් වෙත

මගේ මැගී බඳුනද

දැන් අවසන් වී ඇත

කුඩයක් රහිතව මම

තෙමෙමින්ම ඒ වැස්සේ

ගියෙමි වෙනත් කුටියක් කරා

තවත් පොත් ගැනුමට

වල් සමනළයා

බස් එකේ යනකොට

ඉස්සරහ සීට් එකේ 

ඔයා වාඩිවෙච්ච වෙලාවෙ

ඇඳල හිටපු ස්කිනියයි

තිසර පටයි අතරින්

මතුවෙලා හිනාවෙච්ච

වල් සමනළයා

මම බස් එකෙන් බහිනකං

එහෙට මෙහෙට ඇඹරි ඇඹරි

සීට් එක අස්සෙන්

එබිකන් කර කර හිටපු අපූරුව

සාශා

සාශා

මට ඉස්සෙල්ලාම ඔබ හමුවුනු දිනය

තවමත් මතකයි

ඒ ගෝර්කිගෙ අම්මා පොතෙන්

එදා වගේම

ඒ සාශාට

මම හරි ආදරෙයි

ඔබත් මට ආදරේ බව

මම දන්නවා

හැබැයි ඒ

හුණුවටයේ ගෲෂා

මයිකල්ට කුමාරයාට

තිබ්බා වගේ

නෙමෙයි කියල මම හිතනවා

ඒ ගෲෂා

ඔබ සාශා

පුංචි තිත් දෙකක් ඇති ‍ඔබේ මුහුණ

මට මැවිලා පේනවා

වොඩ්කා බිංදුවක් වගේ ඔබ

හරිම කුල්මත්

බැලලයිකාවෙන් වැයෙන ස්වරයක්

වගේ ඔබ ගීතවත්

ඔබත් එක්ක තනියම

කතා කරමින්

ඔබේ සුදු අතගෙන

පොප්ලර් ගස් වැවුනු

මිටියාවතේ

ඇවිදින්න ආසයි

ඉතින් ඔබ මගේ ලඟ නෑ

ඒත් ඔබ හැමදාම මගේ හිතේ

ලැගුම්ගෙන ඉඳියි

ඉඳින් මම හැමදාම

ඔබ‍ට සාශා යයි අමතමි

මට කල හැක්කේ එපමණයි

හුගක් දෙනා අහල තියන වචන ටිකක්

ඔයාට

මං

නැතුව

ඉන්න

පුළුවන්ද?

ඔව්

මට පුළුවන්!.

එහෙමද?

මං හිතුවෙ

මට වගේ

ඔයාටත්

මං නැතුව

ඉන්න බැරුව

ඇති කියල

හම්!..

ඔත්පලයාගේ කවිය

දුවලත් ඉවරයි

පැනලත් ඉවරයි

දන්නෙ නෑ කවද්ද

ආයෙත් නටන්නෙ

කට්ටිය එක්ක

ඉස්සර මම කරපු දේවල්

දැන් අය කරන හැටි බලන්

රෝද පුටුවට වෙලා

හිඳිමි ජනෙල් කවුළුව ළඟින්

කවදහරි ආයෙමත්

නැගිටලා පෙර සේම

එකතුවී සැම සමග

එන්නෙමි නටන්නට

ඒත් ......

කවුරුවත් දන්නවද

වෙන්වුනු කකුලක්

ලියලා වැඩුනු වග

වේදිකා නාට්‍යය පෙරහැර

ආයෙත් ලංකාවෙ මිනිස්සු වේදිකා නාට්‍යය පැත්තට බරවෙලා. රසාස්වාදය ගැන හිතන්න පටන් අරන්. අළුත් පැරණි වේදිකා නාට්‍යය අළුත් ආරකින් දැන් පෙන්වනවා. මැයි මාසෙ පුරාම ලංකාවෙ හුගක් තැන්වල (විශේෂයෙන් කොළඹ අවට) නාට්‍යය දර්ශන තියනවා. පසුගිය සුමානේ ධනුෂ්කා නයන කුමාරිගෙ ජනේලයෙන් පනින්නද මරදාන ටවර් එකේ තිබ්බා. පහුවෙච්ච ඒවා දැන් වැඩක් නෑනෙ. ඉතින් ඉස්සරහට තියෙන ඒවා ටිකක් කියන්නම්. හුඟක් ඒවා නම් කොළඹ අවට තියෙන්නෙ. අනිත් පළාත් ගැන නම් කියන්න හරියටම දන්නේ නෑ. ඒකට මට සමාවෙන්න. නාට්‍යය රසවතුන් හැමටම ආරාධනා.

• මැයි මාසෙ 15 (ඒ කියන්නෙ අද) ප්‍රියන්ත සිරිකුමාරගෙ බර්නාඩාගේ සපිරිගෙය සවස 7ට ලයනල් වෙන්ටඩ් ශාලාවෙ තියනවා. (ටිකට් 1000/-, 500/-, 300/-,200/- කියල තමයි ආරංචිය. පොඩ්ඩක් හොයල බලන්න)

• මැයි මාසෙ 18 සිකුරාදා දොළහක් වේදිකා නාට්‍යය තියනවා හොරණ ශ්‍රීපාලී විද්‍යාලයිය ශාලාවෙ. මේ නාට්‍යයම 21 වෙනිදා පේරාදෙනිය සරසවියෙ තියෙනවා.

• විජිත බණ්ඩාරගෙ වාදකයා වහලෙ උඩ වේදිකා නාට්‍යය තියනවා මැයි 19 සෙනසුරාදා ජෝන් ද සිල්වා රඟහලේ 3.30යි 6.30ටයි. (ජෝන් ද සිල්වා එක තියෙන්නෙ නෙළුම් පොකුණ රඟහල අයිනෙ. ඉස්සර නෙළුම් පොකුණ නැති කාලෙත් ජෝන් ද සිල්වා එක එතන තිබ්බා. නෙළුම් පොකුණ හදන කා‍ලෙ නෙළුම් පොකුණ තියෙන්නෙ කොහෙද කියල ඇහැව්වහම කිව්වෙ ජෝන් ද සිල්වා එක ගාව කියල. දැන් ඉතින් ඔක්කොම කණපිට)

• මැයි මාසෙ 25 වෙනිදා හවස 3.30ටත් 7.00ටත් හෙන්රි ජයසේනයන්ගෙ හුණුවටයේ කතාව තියනවා ලයනල් වෙන්ටඩ් ශාලාවේ.

• සෝමලතා සුබසිංහ මහත්මි‍යගෙ විකෘති නාට්‍යය මැයි මාසෙ 26 වෙනිදා (සෙනසුරාදා) හවස 3.30ට සහ 7.00ට තියෙනවා ලයනල් වෙන්ට්ඩ් ශාලාවේ. 

• උදයසිරි වික්‍රමරත්නගෙ සුද්දෙක් ඔබ අමතයි 27 හවස 3.30ටත් 6.30ටත් තියනවා ලයනල් වෙන්ට් රඟහලේ.

• එදිනම ගයාන් රන්දීරගෙ ජෝන්ගේ සත්තුවත්ත තියනවා ලුම්බිණි රඟහලේ හවස 3.30ට‍ත් 6.30ටත්.

• ලබන මාසෙ 07-08-09 රාජිත දිසානායකගෙ නාට්‍යය තුනක් වේදිකා ගතවෙනවා ලයනල් වෙන්ට් රඟහලේ. ඒ නාට්‍යය තුන වෙන්නෙ වීරයා මැරිලා, සිහින හොරු අරන් සහ බකමූණා වීදි බසී.

තවත් නාට්‍යය ගොඩක් තියනවා. මට හදිස්සියට හොයා ගන්න පුළුවන් වුනේ මේ ටික විතරයි. හොයා ගත්ත ගමන් පොඩ්ඩක් දැනුවත් කරන්නම්.

පුත මේ මිහිතලයම ඔබේය

මේ පුංචි  පැදි පේලි ටික මට හම්බවුනේ අපේ පුංචිගෙ පොතක් අස්සෙ තිබිලා. රෝස පාට පුංචි කොලේක ලියපු පැදි පෙලක්. ඒ මීට අවුරුදු 15-18 කට විතර කලින්. එක හුස්මට කියවල දැම්ම ඒ පද පේලි ටික මගේ හිතට අමුතු වෙනසක් කලා. පසු කාලීනව හොයාගත්තා ඒ පැදි පෙළ ලියපු අයිතිකාරයා බ්‍රිතාන්‍ය ජාතින රඩ්යාඩ් කිප්ලිං කියල. ඔහුගෙ ඉතාම ජනාදරයට පාත්‍රවූ ඉ‍ෆ් (If) නැමති පැදිපෙලේ පරිවර්තනයක් තමයි මම ඉස්සෙල්ල දැකල තිබ්බෙ. මම ඉස්සර මේක මගෙ බ්ලොග් එකක දාල ඒක කියවපු හුඟ දෙනෙක් මගෙ යාළුවො වුනා. ඒ වගේම මගේ ජීවිතේ මට කිට්ටුවෙන් හිටපු හුඟදෙනෙක් මේ පැදිපෙළට ඉමහත් ආදරයක් දැක්වුවා. මගේ ජීවිතේ ලොකු වෙනසක් කරන්න සමත් වෙච්ච උදාර වචන ගොන්නක් එහි අඩංගු වුනා. පස්සෙ පොඩියට මුද්‍රණය කරගෙන පසුම්බියෙ දාගෙන ඉන්න තරම් මම ඒකට වශීවුනා. අදටත් හිතට අමුත්තක් දැනෙන හැම වෙලාවකම මම මේ පැදි පෙළ කියවනවා.

මුළු ලෝකයාම ඔබට දොස් නගද්දිත්

එයින් කම්පා නොවී සිටීමට ඔබට හැකි නම්

ලෝකයා ඔබ කෙරෙහි තරහක් දක්වද්දී

ඔබ තරහක් නොදක්වන්නේ නම්

මුළු ලෝකයාම ඔබව සැක කලත්

ඔබට ඔබ ගැන විශ්වාසයක් ඇත්නම්

අන්‍යයන් ඔබව බොරුවෙන් රවටද්දී

ඔබ බොරු නොකියයි නම්

ඔබේ හොඳ ගතිගුණ ඔබ නොකියයි නම්

ඔබට කොතෙකුත් දෑ සිතිය හැකි වුවත්

ඔබ මහා චින්තකයකු යයි නොසිතන්නේ නම්

ඔබේ සිතුවිලි ඔබේ ඉලක්කය යයි ඔබ නොසිතන්නේ නම්

ජය පරාජය දෙකම සමව සැළකීමට ඔබට හැකි නම්

ඉවසීම ඔබගේ පුරුද්දක් නම්

ඔබ ලැබූ සියළු ජය එක් රැස් කර තැබිය හැකි නම්

එහෙත් ඒ සියල්ල වැනසී ගියත්

ඔබ සුසුම් මාත්‍රයක් පවා නොහෙලයි නම්

නැතිව ගිය සියළු ජයග්‍රහණයන්

නැවත ලබාගැනීමට ඔබ උත්සාහ වන්ත නම්

ඔබේ පිරිහීම හෝ පරාජය ගැන

වචනයක් හෝ කතා නොකර සිටීමට ඔබට හැකි නම්

රජවරුන් සමග ඇසුරු කලත්

පොදු ජනතාව සමග ඇති සම්බන්ධතා

සිඳ බිඳ නොදාන්නේ නම්

ඔබේ ලඟම හතුරාගේත් ආදරණිය මිත්‍රයාගේත්

සිත නොරිදවන්නේ නම්

ඔබට ලෝකයාම සමාව නොදෙන එක මොහොතක

ඒ මොහොතේදී සියළු කරදර බාධක හිරිහැර

අමතක කොට සිටීමට ඔබට හැකිනම්

පුත මේ මිහිතලයම ඔබේය

ඔබ මේ මිහිතලයට අයත් පුද්ගලයෙකි

පුත ඔබ නියම මිනිසෙකි!

රඩ්යාඩ් කි‍ෆ්ලිං ගැන දැනගන්න මේ සබැඳියට යන්න

ඔහුගේ සියළු කවි නිර්මාණ රසවිඳීමට මේ සබැඳියට යන්න

තිස් වසරකට පසු වේදිකා ගතවූ විකෘති

සෝමලතා සුබසිංහ

සිංහල වේදිකා නාට්‍යය ක්ෂේත්‍රයේ නොමැකෙන මතක සටහනක් තැබූ අමරණීය චරිතයක්.

විකෘති

ඇගේ අතින් බිහිවූ අග්‍රගන්‍ය නිර්මාණයක්.

පසුගිය නම වනදා (අප්‍රේල් 09)දා ඇගේ හිතවතුන් පිරිසක් එදින හවස විවේකීව තබාගන්නැයි කියූ ඉල්ලීමට ඇය සවන් දී එදින සවස ජෝන් ද සිල්වා සමරු රඟහලට ඇගේ සැමියා සමග පැමිනෙද්දී ඇය කිසිවිටක අපේක්ෂා නොකල ආකාරයේ  උත්සවයක් සංවිධානය කර තිබුනා.

මීට තිස් වසරකට පෙර වේදිකා ගතවූ ඒ අසහාය වේදිකා නාට්‍යය එකල වේදිකාවේ සිටි නළු නිලියන් බොහොමයකගේ දායකත්වයෙන් සෝමලතා සුබසිංහ මැතිනියට උපහාරයක් වශයෙන් වේදිකා ගතවූවා.

ඉතාමත් කෙටිකාලයකින් පුහුණුවීම් සිදුකර තම අතීත දක්ෂතා මැනවින් නැවත ප්‍රදර්ශණය කිරීමට ඔවුන්ට හැකිවුනා. මෙම දර්ශණය නොමිලේ දර්ශණය කරන ලද්දක්.

චාන්දනී සෙනෙවිරත්න, නිල්මිණි සිගේරා, ප්‍රසාද් සූරියආරච්චි, ලලනි පුෂ්පමාලා, මල්කාන්ති ජයසිංහ, කෞෂල්‍යා ප්‍රනාන්දු, සංජීව දිසානායාක, ලාල් සිල්වා, අනුර වීරතුංග, භද්‍රා නන්දනී, නයනා හෙට්ටිආරච්චි, හේමක ඩයස්, වික්‍රම සෙනවිරත්න වැනි වේදිකාවේ පරිනත ශිල්පීන් මේ සදහා තම දායකත්වය ලබාදුන්නා.

නාට්‍යය අවසානයේදි සෝමලතා සුබසිංහ මැතිනියට උපහාර පිදීමක්ද සිදුවූවා. මෙහිදී ඇය ලගන්නා සුළු කතාවක් පැවැත්වූවා.

මෙම නාට්‍යයේ පුහුණුවීම් වල සහ නාට්‍යයේ අවස්ථා රැගත් ඡායාරූප පෙළක් මේ සමගින් ඇත.

මේඛලා.. මම ඔබේ හඬ විඳිමි

ඇයට මේ ලොව නොපෙනේ. අද වන විට ඇය ජනප්‍රිය වී හමාරය. මේ පෝස්ටුව වෙන් වන්නේ ඇය ගැන ලිවීමටයි.

මම ඇයගේ හඬ ගැන දැනගත්තේ බ්ලොග් හෙළයාගේ මියුසික් විතරමයි හි පෝස්ට් එකකිනි. 

පසුව ඇය කවුදැයි රට පුරා සෙව්වෙමි. නමුත් ඇය ගැන හරි තොරතුරක් නොලැබුනි. දිගින් දිගටම ඇයගේ ගීය රස වින්දෙමි. දෙතුන් මසක ඇවෑමෙන් ඇය ගැන පුංචි හෝඩුවාවක් දැනගැනීමට හැකිවිනි. ඒ ‍මේ ගීතය ගායනා කරන ගායිකාව අන්ධ බවත් සංගීත ප්‍රසංගය අතරමැදදී ඇය සින්දුව නවත්වා මුළු ශාලාවේම ආලෝකය විසන්ධි කර

“ මෙච්චර වෙලා සින්දුව ඇහැව්වෙ ඔයාල අහන විදිහටනෙ. දැන් මගේ විදිහට සින්දුව අහමු”

කියා ඉතිරිය ගායනා කරන බවත්ය.

එදා සිට මම එම වීඩියෝව සෙව්වෙමි. සෑහෙන්න මහන්සි වූ පසු එහි ඕඩියෝ ක්ලිප් එකක් ලැබුනි. එදා සිට මේ ගීතය වින්දේ වෙනස් ආකාරයකටයි. අද වෙන විට ඇය ජනප්‍රිය ගායිකාවක් වී හමාරය. ඇය ගැන මුළු ලංකාවම දනී. එම නිසා මා ඇගේ නිර්මාන කිහිපයක් ගැන කතා කරමි.

ඇයට මේ ප්‍රසිද්ධිය ලබාදුන් ගීතය අහන් ඉන්නයි. එහි පද රචනයේ ඇති සුවිශේෂ තාවය ඇගේ දුබලතාවය වන දෑස් නොපෙනීම ගැන හැඟීම තීව්ර කරවයි. සෝමලතා හේරත් මැණිකේ එවැනි පුද්ගලයින් සමග ගෙවූ දිවියෙන් ලැබූ පන්නරය මෙහිදි ගීතයට ආලෝකයක් ලබා දෙයි. මෙහි මා දකින සුවිශේෂතාවය වන්නේ සංගීතයයි. සංගීත භාන්ඩ දෙක තුනක් පමණක් භාවිතා කර ගීතයේ ඔප් නැංවිය යුතු මේඛලාගේ සොඳුරු හඬ මෙහිදී ඉතාම හොදින් ගොඩනගා තිබේ. රුවන් ශ්‍රී වල්පොල, ඔබගේ මේ නිර්මාණඛය ශ්‍රේෂ්ට නිර්මානයක් වන්නේ ඉහත කී හේතු කාරනාව නිසාමය.

ඇය තවත් එවැනිම ගීයක් ගායනා කළාය. ඒ අම්මා ගැන කියවෙන මට දෙන්න මට දෙන්න ගීතයයි. මෙම ගීතයෙත් අයිතිකරුවන් වන්නේ සෝමලතා හේරත් මැණිකේ සහ රුවන් ශ්‍රී වල්පොලයි. සංගීත භාන්ඩ දෙක තුනකින් මහා නිර්මාණයක් බිහිකල හැකි බව රුවන් නැවතත් සනාථ කර පෙන්වූ අවස්ථාවකි මේ.

එකම විහිළුව නැවත නැවත සිදුකල විට හිනා නොයයි. ඒ සාමාන්‍යය මතයයි. එලෙසම ගීතයක් එකමාකාරයෙන් එකම තනුවකට බිහිවන විට එයද මිනිසුන්ට එපා වෙයි. නමුත් මා දැන් යන්නේ එය එසේ නොවේ යන්න සනාථ කිරිමටයි. අම්මා... මේ ගීතයද මේඛලාගේ විශිෂ්ට ගායනා අතරට එක්වේ. ආදරණීය අම්මා.. මේ ඔබ වෙනුවෙන් අප හදවත් තුල පිරුණ ආදරයේ ගීතයයි.සියක් දහසක් දරුවන්ට අම්මලාගේ ආදරය දැනෙන්ට ගායනා කරන ගීතයයි. සෝමලතා හේරත් මැණිකේ නැමති ජීවක දියනිය නැවතත් තම පන්හිඳින් විශිෂ්ට පද රචනයක් බිහිකර අවසානය.

රුවන් ශ්‍රී තත් භාන්ඩ දෙක තුනකින් තවත් විශිෂට කෘතියක් නිමවා ඇත. එකම ආකාරයේ ගීතයක් වුවත් ඒ හැම එකක්ම එකිනෙකට වෙනස්ය. භාෂාව සහ සංගීතය හැසිරවීම මගින් නිර්මාණයට විශිෂ්ට නිමාවක් දී ඇත.

මේඛලා ගයන තවත් ගීතයක් මේ දවස් වල ජනප්‍රිය වෙමින් තිබේ. ඒ සුසුමක උණුසුමයි. මෙහි සංගීතය නවරත්න ගමගේ විසින්. පද රචනය සුගතදාස හීන්දෙනිය. හැබැයි මේක වෙනස් ආරක ගීයක්. විඳලම බලන්න.

ඇය ගයන තවත් ගීත කිහිපයක් තියනවා. ඒවත් පොඩ්ඩක් අහල බලන්න

නුඔ නොදුටු ඉසව්

මේ සින්දු දෙකම නවරත්න ගමගේ සමග සෝමලතා හේරත් මැණිකේ ගේ සුසංයෝගයක්.

මන්සිනා මල් පොකුරක්

ඇන්ටි වැලන්ටයින්

කන්න ඕන වුනහම

කබරගොයාත් තලගොයා වෙච්චි කොට

විකුනන්න ඕනෙ අම්ම නම්

අපි කරන්නෙ මදර්ස් ඩේ

තාත්තා වික්කොත්

ෆාදර්ස් ඩේලු

ගුරුවරු වික්කොත් 

ටීචර්ස් ඩේ

මෙච්චර උතුම් දේවල් විකුනන්න ඇහැක් නම්

වැලන්ටයින් ඩේ කියල

ආදරේ වික්කහම මොකෝ වෙන්නෙ

අනේ බොලාගෙ මාකටින්

සුළඟ නුඹයි

කිව්වත් වගේ

ඔව් ඔබ සුළඟ වගේ තමයි

මම ගහක් වගෙයි

ඔබේ ඔය මදනල විඳින්න 

මම හරි ආසයි

එතකො‍ට මගේ අතුකොළත්

හෙමින් සෙළවෙනවා

ඒත් ඔබ වැඩිපුර ගේන්නෙ

චන්ඩ කුණාටු

ඒවට මාවත් ඇඹරිලා

මගෙ අතු රිකිලිත් 

විනාස වෙනවා

හිටිගමන් ඔබ

ඉමිහිරි මල් සුවඳක් ගේනවා

ඒ ගේන මල් සුවඳ

කාලෙකට මතක තියනවා

හැබැයි

කොහෙදෝ ඈත කුණුවළකින් ගේන

කුණු ගඳත් ගේන්නෙ ඔබමයි

ඒ ගඳ අර මල් සුවඳ

පරයා එනවා

මම ගහක් වුනත්

සුළඟ,

ඔබ මාව රිසි විදිහට 

පාලනය කරනවා

ඔබට සුළඟ වගේ යන්න පුළුවන් වුනත්

මම ගහක්

මට ඔබට වගේ යන්න විදිහක් නෑ

ඇත්තටම ඔබ 

සුළඟ වගේ තමයි

Cat වෝක්

හොර බැලලි

කැට් වෝක් එකෙන්

ගෙට රිංගලා

මාළු ඇතිලියම කනකං

මම ටී වි එක ඉස්සරහ

ෆැෂන් ෂෝ බල බල

හිටපු අපූරුව